नेपालमा वितेको २४ घण्टामा थप १,४५४ जनामा कोरोना सङ्क्रमण को पुष्टी भइ कुल कोरोनाभाइरस सङ्क्रमितको सङ्ख्या ५१,९१९ पुगेको छ भने थप पाँच जना मृतक समेत थपिएका छन्।
अहिले नेपालमा १४,९२१ जना सक्रिय सङ्क्रमित छन् जसमध्ये ६,६३४ घरमै छन् भने बाँकी ८,२९१ संस्थागत आइसोलेशनमा छन्।सङ्क्रमितहरूमध्ये १७० जना सघन उपचार कक्षमा र २४ जना भेन्टिलेटरमा उपचाररत छन्।क्वारेन्टीनमा ५,०७८ जना रहेका छन्।यो अवधिमा १०,७०१ पीसीआर परीक्षण गरिएको मन्त्रालयले जनाएको छ।
आज मात्र थपिएका सङ्क्रमितमध्ये सबैभन्दा बढी काठमाण्डू जिल्लाका ६२० जना रहेका छन्।भक्तपुरमा ३८ र ललितपुरमा ३८ गरी उपत्यकाका जिल्लामा कुल ६९६ जना सङ्क्रमित थपिएका छन्।त्यस्तै मोरङमा ४७, कैलालीमा ६७, मकवानपुरमा ५४, रूपन्देहीमा १०२, चितवनमा ७४ र सिराहामा ४२ जना र बाकी अन्य स्थान मा सङ्क्रमित थपिएका छन् ।
यसै गरि आज सम्म निको हुनेको सङ्ख्या ३६,६७२ पुगेको छ। नेपालमा कोरोनाभाइरस सङ्क्रमणबाट मुक्त हुने दर लगभग ७१ प्रतिशत छ।अहिलेसम्म नेपालमा ३२२ जनाको कोभिड-१९ का कारण मृत्यु भएको मन्त्रालयका प्रवक्ता डा. जागेश्वर गौतमले बताए।