१३ साउन, काठमाडौं । सरकारले प्रस्तावित मदन भण्डारी विज्ञान तथा प्रविधि विश्वविद्यालयमा मदन भण्डारी फाउन्डेसनको प्रत्यक्ष प्रभाव रहने गरी विधेयक ल्याएको छ ।
प्रतिनिधिसभामा आइतबार दर्ता भएको विधेयकमा फाउन्डेसनका अध्यक्ष र उनको तोकेका एक जना विश्वविद्यालयको संरक्षक समितिमा रहने उल्लेख छ । यस्तो संरक्षण समितिमा विश्वविद्यालयको बजेट तथा कार्यक्रम स्वीकृत गर्नेदेखि विश्वविद्यालयका पदाधिकारीहरुलाई कारबाही गर्नेसम्मको अधिकार रहनेछ ।
