१३ साउन, काठमाडौं । एक दर्जन जहाजमार्फत राष्ट्रिय–अन्तरराष्ट्रिय उडान गरिरहेको बुद्ध एयरसँग १० वटा एटीआर जहाज छन् । फ्रान्स र इटालीको ‘ज्वाइन्ट भेन्चर’मा स्थापित यूरोपीयन जहाज निर्माता कम्पनीले निर्माण गरेका एटीआरमध्ये ७ वटा जहाज ७० सीट क्षमताका एटीआर ७२–५०० हुन् । तीनवटा जहाज एटीआर ४२–३२० हुन् । यसबाहेक बुद्धसँग दुईवटा जहाज भने १९ सीट क्षमताका बीचक्राफ्ट रहेका छन् । सन् २०१९ भित्रै थप दुई वटा एटीआर ७२ जहाज थप गर्ने योजना बुद्धको छ ।
· यति एयरलाइन्सले शनिबार पाचौं एटीआर ७२–५०० काठमाडौं ल्यायो । ७० सीट क्षमताको यो जहाज अवतरण गराएसँगै अब यतिसँग कूल जहाज ११ पुगे । यति एयरलाइन्ससँग ६ वटा जेटस्ट्रीम जहाज रहेका छन् । कम्पनी क्रमशः जेटस्ट्रीम जहाज विस्थापित गर्दै सबै जहाज एटीआर नै भित्राउने योजनामा छ ।
