१३ साउन, काठमाडौं । चक्रपथको दोस्रो खण्ड कलंकी–बालाजु–महाराजगञ्ज सडक निर्माणका लागि ‘साइट क्लियरेन्स’ को काम चाँडै थालिने भएको छ । चीनले केही दिनभित्रै प्रारम्भिक नाप–नक्सा उपलब्ध गराउने भएपछि सडक निर्माण प्रक्रियामा जान लागेको हो ।
चीनले हालै यो सडकको नाप नक्सा (ड्रइङ) पठाउन लागेको र त्यसकै आधारमा सडक सीमा ‘क्लियर’ गर्न आग्रह गरेको सडक विभाग स्रोतले बतायो । नाप नक्सा आइपुगेपछि त्यसको आधारमा चक्रपथका रुख तथा विद्युतका पोलसहित अस्थायी भौतिक संरचना हटाउन सुरु गर्ने स्रोतको भनाइ छ ।
